Yfirheyrslan: „Ég er mjög sátt með seinustu helgi“
Helga Jóna Svansdóttir fékk gullverðlaun í þrístökki stúlkna 18-19 ára síðastliðna helgi á Íslandsmóti 15-22ja ára í frjálsíþróttum með stökki upp að 11,17 metra. Að auki fékk hún silfurverðlaun í 100 metra hlaupi þar sem hún hljóp á tímanum 13,52 sek.„Ég er mjög sátt með seinustu helgi og ánægð að sjá loksins stórar bætingar. Ég var meidd mest allt innanhús tímabilið og því frábært að enda sumartímabilið svona“, segir Helga Jóna að vonum ánægð með árangur sinn
Fullt nafn: Helga Jóna Svansdóttir
Yfirheyrslan: „Ég er mjög sátt með seinustu helgi“: 19 ára
Starf: Vinn á Heilsugæslustöðinni á Egilsstöðum, ásamt því að þjálfa yngri hóp Frjálsíþróttadeildar Hattar
Maki: Enginn
Börn: Engin
Hvert er uppáhalds lagið þitt? Á mörg uppáhalds lög með Shawn Mendes og James Bay, en annars er ég búin að hlusta mikið á „Ég vil það“ seinustu dagana
Ef þú gætir öðlast yfirnáttúrulegan kraft, hver væri hann? Væri til í að geta ferðast milli staða og landa bara með því að smella fingrunum, myndi henta mjög vel
Besta bók sem þú hefur lesið? Ætli 13 ástæður sé ekki sú bók sem hefur haft mest áhrif á mig
Hver er uppáhaldsstaðurinn þinn á Austurlandi? Fáskrúðsfjörður hjá ömmu og afa
Hvaða árstíð heldur þú mest upp á og af hverju? Sumarið af því að þá er hægt að æfa úti og það er alltaf eitthvað skemmtilegt að gerast. En svo líka haustin því með því fylgja oft ný tækifæri og kaflaskipti í lífinu
Hvernig líta kosífötin þín út? Er mjög mikið í íþróttafötunum og á því engin sérstök kósýföt
Hvernig er týpískur dagur hjá þér? Vinna->Þjálfa->Æfing
Hver er uppáhalds dagurinn þinn í vikunni og af hverju? Örugglega föstudagar, því þá hef ég mestann frítíma
Ef þú fengir að hitta hvaða persónu úr mannkynssögunni sem væri, hver yrði fyrir valinu? Alltof erfitt að velja einhvern einn
Hvað ætlar þú að gera um helgina? Ætla bara að vera heima og gera eitthvað með fjölskyldunni
Settir þú þér áramótaheit? Nei hef aldrei verið mikið fyrir þau
Hver er þín helsta fyrirmynd? Pabbi minn
Ef þú gætir breytt einhverju í heiminum hvað væri það? Öllu því sem er óréttlátt
Topp þrjú á þínum „bucket list“? Ferðast meira um heiminn, læra að surfa á Bali og komast í split
Ertu nammigrís? Já, óþarflega mikill!
