Þjóðleikur í Sláturhúsinu í dag
Fimm leikhópar úr austfirskum grunnskólum taka í dag þátt í leikhússhátíðinni Þjóðleik í Sláturhúsinu á Egilsstöðum.Í ár er tíu ára afmælis Þjóðleiks, sem er leiklistahátíð ungs fólk haldin annað hvert ár á landsbyggðinni í samtarfi við Þjóðleikhúsið. Á lokahátíðinni í dag frumsýna ungir austfirskir leikarar verk eftir þjóðþekkta höfunda sem samið hafa sérstaklega fyrir verkefnið.
Verkin sem sýnd verða í ár eru Tjaldið eftir Hallgrím Helgason, Eftir lífið eftir Sigtrygg Magnason og Dúkkulísa eftir Þórdísi Elvu Þorvaldsdóttur Backmann.
Fimm leikhópar frá Egilsstöðum, Neskaupstað, Reyðarfirði og Seyðisfirði sýna verkin á tveimur leiksviðum í Sláturhúsinu í dag. Hver hópur sýnir tvisvar.
Sýningar hefjast kl. 13:00 og standa yfir til kl. 19:30. Aðgangur er öllum opinn og ókeypis.
