Yfirheyrslan: Safnvörður, einkaþjálfari og þolfimikennari
Fjóla Þorsteinsdóttir býr ásamt fjölskyldu sinni á Fáskrúðsfirði og virðist þjálfa hvert einasta mansbarn þar þegar hún er ekki að sinna safninu Frakkar á Íslandsmiðum.
Austurfréttir náði í skottið á Fjólu sem var í fríi Gran Canarí að sleika sólina. Hún á það örugglega skilið þar sem hún virðist lifa mjög annasömu lífi bæði á sumrin og veturna sem safnvörður og einkaþjálfari.
Fjóla er í yfirheyrslu vikunnar.
Yfirheyrslan:
Fullt nafn: Sesselja Fjóla Þorsteinsdóttir
Aldur: 57 ára
Starf: Ég er safnvörður á safninu Frakkar á Íslandsmiðum, einkaþjálfari og þolfimikennari.
Maki: Sigurður Ágúst Pétursson
Börn: Pálmi Fannar og Birkir Fannar
Áhugamál? Hreyfing, tónlist, fara í ferðir með Beggu vinkonu minni og svo læra meiri frönsku.
Hver er uppáhaldsstaðurinn þinn á Austurlandi? Fáskrúðsfjörður og Stöðvafjörður
Hver er þinn helsti kostur? Jákvæðni
Hver er þinn helsti ókostur? Ég fer sundum fram úr mér
Hver er alltaf til í ísskápnum hjá þér? Ostur
Ertu nammigrís? Nei alls ekki
Kaffi eða te? Kaffi
Hvað er leiðinlegasta húsverkið og af hverju? Það er að elda mat enda sér maðurinn minn um að elda.
Hvernig er týpískur dagur hjá þér? Á sumrin vakna ég klukkan sjö, fæ mér kaffi, snyrti mig og fer á safnið og gjörsamlega nýt þess. Á veturna vakna ég snemma, fæ mér kaffi, vinn sem einkaþjálfari, útiganga með sjálfinu, þjálfa yndislega krakka í sundi, þjálfa eldri borgara, þjálfa Vatnaliljur og fleira. Horfi svo á nákvæmlega allt í sjónvarpinu á kvöldin og prjóna.
Hver er þín helsta fyrirmynd? Mamma mín sem lést fyrir aldur fram.
Mesta afrek? Fæðing sona minna
Duldir hæfileikar? Ljósmyndun
Besta bíómynd allra tíma? Forrest Gump
Hvaða kost í fari einstaklinga kannt þú helst að meta? Heiðarleika
Topp þrjú á þínum „bucket list“? Lifa lífinu glöð einn dag í einu.
