Norðfjarðargöng

Norðfjarðargöng: Byrjað að sprengja í Fannardal

mars07032014 1Fyrsta sprenging Norðfjarðarmegin við ný Norðfjarðargöng var sprengd í gærkvöldi og nótt. Með því er hafinn eiginlegur gangagröftur í Fannardal.

Sprengingin var gerð í tvennu lagi. Fyrst var sprengdur innri hluti sniðsins en síðan var sprengt fullt snið. Fyrri sprengingin var í gærkvöldi en sú seinni í nótt.

„Þetta gekk vel og verður haldið áfram að bora og sprengja í dag," segir Guðmundur Þór Björnsson hjá Hniti verkfræðistofu sem sér um eftirlit verksins.

Töluverður snjór er á svæðinu og einhver snjóflóðahætta. „Við sjáum litlar spýjur víða um fjallið en það hefur ekkert fallið nálægt vinnusvæðinu," segir Guðmundur Þór.

Hann segir almennt ekki hættu á vinnusvæðinu en menn fari að öllu með gát þegar sprengt sé. Til dæmis sé ekki öll hleðslan sprengd í einu lagi með miklum hvelli heldur sé smá tími á milli sprenginga.

Mynd 1: Verið er að hlaða stafninn fyrir fyrstu sprengingu í Fannardal

Mynd 2: Sprengistjóri Metrostav, Ivan Pirsc er hér ásamt fulltrúa eftirlits, Guðmundi Þór Björnssyni, Hnit verkfræðistofu, í aðdraganda fyrstu sprengingar í Fannardal.

Myndir: Ófeigur Ö. Ófeigsson/Hnit

mars07032014 2

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.