Norðfjarðargöng: Efnið nýtist í vegagerð
Þokkalegur gangur hefur verið í greftri Norðfjarðarganga síðustu vikur og er nú búið að grafa hartnær 60% ganganna. Efnið sem kemur úr göngunum Norðfjarðarmegin, nýtist að stærstum hluta við vegagerð út dalinn.Vegfyllingar eru nú komnar út að Kirkjubóli, að stórum hluta órofnar inni í dal, en aðeins slitróttara utar.
Á meðfylgjandi myndum má sjá hvar mjúkum jarðvegi hefur verið mokað úr vegstæðinu og efni úr göngunum sett í staðinn. Jarðvegurinn nýtist svo síðar við frágang vegfláa og fleira.
Myndir: Hnit/Ófeigur Ö. Ófeigsson
