Norðfjarðargöng: Unnið við vegi í Eskifirði
Nú er hafin vinna við vegi og vegamót í Eskifirði og er gert ráð fyrir auknum þunga við þessa vinnu á næstu vikum. Von er á einhverjum truflunum á umverð meðan á því stendur.
Verktakinn mun setja upp ítarlegar merkingar á og við vinnusvæðið. Vegfarendur eru beðnir um að gæta varúðar og fylgja þeim leiðbeiningum sem birtast. Mikilvægt er að hraðatakmarkanir verði virtar og þá má búast við að allt gangi vel.
Í kringum mánaðamótin júní/júlí er reiknað með að ný vegamót hins nýja Norðfjarðarvegar og Eskifjarðarvegar verði malbikuð og verður umferð færð inn á þau að malbikun lokinni.
Meðfylgjandi eru nokkrar myndir af framkvæmdasvæðinu í Eskifirði.
