Að koma til dyranna eins og maður er klæddur
Frambjóðendur eru þó mis uppteknir af útliti sínu. Á meðan sumir fara í „extreme makeover", kaupa dýr föt, sparsla upp í hrukkurnar og láta fagmenn mynda sig eru aðrir sem koma fullkomlega til dyranna eins og þeir eru klæddur. Jakkaföt er þannig vinnuklæðnaður margra stjórnmálamanna en það er ekki algilt.Fréttakonan kná frá Stöð 2, Lóa Pind Aldísardóttir, hefur gert víðreist um Austurland síðustu daga og att oddvitum framboða hverjum gegn öðrum fyrir framan sjónvarpsmyndavélina í þættinum „Stóru málin."
Slíkt gerði hún einmitt á Vopnafirði en þar má segja að frambjóðendur hafi komið til dyranna eins og þeir eru klæddir ef marka má meðfylgjandi mynd sem framsóknarmenn þar deildu á Facebook en þar ber af Eyjólfur Sigurðsson, K-lista, í fagurappelsínugulri vinnuúlpu.
