Maður segir Í NESKAUPSTAÐ!
Það fer fátt eins mikið í taugarnar á Norðfirðingum og austfirskum málvöndunarsinnum og þegar valin er röng forsetning þegar vísað er til dvalar eða staðsetningar í kaupstaðnum góða á Nesi.Það gerist alltaf reglulega að einhver fáfróður sakleysinginn lætur út úr sér að hann, ellegar eitthvað annað sem vísað er til, sé staðsett Á Neskaupstað, en ekki Í.
Norðfirðingurinn Hugi Þórðarson náði ágætlega að fanga stemminguna og tilfinningar sveitunga sinna gagnvart þessum höfuðglæp, þegar hann fékk lánaða teiknimyndasyrpu frá Cyanide & Happiness og uppfærði textann til að endurspegla alvöru málsins.
Sjón er sögu ríkari...
Rétt er að taka fram að strax komu fram ábendingar þess efnis að það beri einnig að taka það jafn alvarlega þegar fólk dirfist að skrifa NeskaupSstaður.
