Aldrei meiri bolfiskafla verið landað á Djúpavogi
Sjö ára gamalt met í lönduðum bolfiskafla á Djúpavogi er fallið þótt árið sé ekki búið. Það sem af er ári hefur verið landað þar tæplega 10.500 tonnum.Frá þessu er greint á vef Djúpavogshrepps þar sem segir að löndunarmet hafi verið sett á nánast hverjum degi í september, október og nóvember.
Í september var landað 2.900 tonnum og tæplega 2.400 tonnum í október.
Í ár hefur verið landað 10.497 tonnum en eldra metið voru 10.491 tonn árið 2007.
Til samanburðar má nefna að í fyrra var landað 9.950 tonnum, þar af 2.277 í nóvember og 5.681 tonni árið 2011.
