Íþróttamiðstöðin á Djúpavogi fær góða gjöf
Á dögunum færði Kvenfélagið Vaka á Djúpavogi Íþróttamiðstöðinni veglega gjöf. Þetta er ekki í fyrsta skipti sem kvenfélagið lætur gott af sér leiða í bæjarfélaginu. Þær hafa komið víða við og styrkt hin ýmsu málefni í sínu góða starfi á Djúpavogi.Það voru þær Bergþóra Birgisdóttir, formaður kvenfélagsins og Ingibjörg Stefánsdóttir sem færðu Íþróttamiðstöð Djúpavogs gjöfina sem er að verðmæti 170.000.kr. Það var Andrés Skúlason, forstöðumaður Íþróttamiðstöðvarinnar sem tók við gjöfinni á föstudaginn var.
Gjöfin er blanda af ýmiskonar skemmtilegum og þroskandi leiktækjum fyrir yngstu börnin sem heimsækja Íþróttamiðstöðina reglulega. Gjöf sem á sannarlega eftir að nýtast vel í leik og starfi.
Meðfylgjandi er mynd frá afhendingu gjafarinnar. F.v. Bergþóra, Ingibjörg og Andrés.
