Eðlilegt að almannaþjónusta ríkisins sé ekki bara í boði á höfuðborgarsvæðinu
Bæjarstjórn Fjarðabyggðar hvetur ríkisvaldið til að velja verkefnum staðsetningar með tilliti til aðstæðna á hverjum stað og eðli verkefnanna. Eðlilegt sé að dreifa almannaþjónustu um landið.Þetta kemur fram í nýlegri bókun bæjarstjórnar Fjarðabyggðar um tilfærslu starfa út á land. Þar er fagnað umræðu og áhuga stjórnvalda til að dreifa opinberum störfum um landið.
„Brýnt er að horft verði á landið allt og verkefnum valin staðsetning með tilliti til aðstæðna á hverjum stað og eðli verkefnanna," segir í bókunni.
Bent er á að víða á Austurlandi hafi opinberum störfum fækkað og atvinnuástand þyngst mjög með tilflutningi starfa.
Því hvetur bæjarstjórnin ríkisvaldið til að horfa til slíkra þátta og vanda allan undirbúning þegar skoðaður er flutningur á störfum og stofnunum um landið.
„Þá er nauðsynlegt að umræða um flutning starfa sé hófstillt og haft í huga að það er eðlilegt að almannaþjónustu ríkisvaldsins sé í boði um land allt en ekki aðeins á höfuðborgarsvæðinu."
