Enginn útköll eystra í vonda veðrinu
Enginn útköll bárust lögreglu eða björgunarsveitum vegna veðurofsans eystra í nótt. Einn slasaðist við að huga að bát í höfninni á Eskifirði í nótt.Hann meiddist á fæti þegar verið var að tryggja landfestar en meiðsli hans munu vera minniháttar.
Jónas Wilhelmsson, yfirvarðstjóri hjá lögreglunni á Austurlandi, segir að viðbúnaði hafi verið aflýst upp úr miðnætti.
Mestar áhyggjur hafi verið af snjóflóðum eftir af óvissustigi var lýst yfir í gær. Því hefur nú verið aflýst og segir Jónas ekki vitað um neitt flóð.
Hann telur það hafa verið rétt að loka fjallvegum á Austurlandi þar sem ófært hafi verið vegna krapa og hálku í nótt.
Íbúar hafi virt tilmæli um að vera ekki á ferðinni og viðbragðsaðilar séu þakklátir fyrir það.
Björgunarsveitir af Vopnafirði og Jökuldal fóru í eftirlit í gær upp á Möðrudalsöræfi á móti Mývetningum til að kanna hvort nokkur væri þar á ferli en svo reyndist ekki vera.
