Fagridalur opinn
Vegagerðin opnaði veginn yfir Fagradal klukkan rúmlega ellefu en honum var lokað í morgun vegna ófærðar og vonskuveðurs. Víða er illfært á Austurlandi.
Í tilkynningu Vegagerðarinnar er varað við því að þótt vegurinn hafi verið opnaður sé þar áfram mjög erfitt ferðaveður.
Lokaði hefur verið í morgun frá Djúpavogi að Þvottá. Vindviða upp á 60 m/s mældist í Hamarsfirði um hálf átta í morgun. Vind hefur síðan lægt þar sem víðar á Austurlandi.
Ófært er yfir Möðrudalsöræfi, til Vopnafjarðar úr austri og til Borgarfjarðar. Þæfingur er er í Norðfirði. Þungfært er yfir Fjarðarheiði. Víða á Austurlandi er skafrenningur eða stórhríð samkvæmt kortum Vegagerðarinnar.
