Hálslón á yfirfall
Vatn byrjaði að renna um yfirfall Hálslóns á laugardag og niður farveg Jökulsár á Dal á laugardag. Áin er þar með heldur fyrr á yfirfalli en undanfarin ár.Þetta kemur fram í vöktunartölum frá Landsvirkjun. Vatnið fer á yfirfall þegar yfirborð lónsins fer í 625 metra hæð og myndast þá fossinn hverfandi.
Í meðalári er gert ráð fyrir að áin fari á yfirfallið um mánaðarmótin ágúst/september og er því heldur fyrr á ferðinni nú. Ekki var þó útlit fyrir það framan af sumri.
Eftir þurran júnímánuð og fremur kaldan fyrri helming júlí var vatnsyfirborðið langt undir meðaltalinu. Rigningar í lok júlí og mikil hlýindi í ágúst snéru taflinu við. Áin er hins vegar mun síðar á yfirfalli heldur en síðustu tvö þegar hún byrjaði að renna um það um verslunarmannahelgi. Það var óvenju snemmt.
Jökulvatnið úr lóninu hefur töluverð áhrif á lit og vatnsmagn í farvegi Jökulsár á Dal. Reikna má því með að laxveiðitímabilinu í ánni sé lokið.
Þá eykst rennsli og vatnshæð í Stuðlagili þannig að ferðamenn þurfa að vera varkárari þar og með öllu tekið fyrir sundspretti þar. Ásýnd gilsins breytist einnig með gráleitu jökulvatninu.
