Maður fórst í eldsvoða á Héraði
Maður fórst í eldsvoða á sveitabæ á Fljótsdalshéraði í gær. Ekki hafa enn verið borin kennsl á hinn látna.Slökkvilið var kallað að bænum rétt fyrir hádegi í gær. Íbúðarhúsið var þá alelda og fannst maðurinn þar látinn.
Samkvæmt tilkynningu frá lögreglunni á Austurlandi þarf kennslanefnd ríkislögreglustjóra að staðfesta hver maðurinn er en miklar líkur eru taldar á að hann sé íbúi hússins. Árangurslaus leit var gerð að honum í gær.
Ekki er á þessari stundu hægt að upplýsa um nafn mannsins.
Tæknideild lögreglunnar á höfuðborgarsvæðinu fór austur og rannsakar vettvang brunans ásamt rannsóknardeild lögreglunnar á Austurlandi.
