Ritan kemur með vorið til Borgarfjarðar
Ritan er komin til Borgarfjarðar en heimamenn telja hana hin eina sanna vorboða þar. Nokkur hundruð fugla eru þegar mættir.
„Þegar hún byrjar að öskra er komið vor,“ segir Jón Þórðarson, sveitarstjóri Borgarfjarðarhrepps.
Ritan er fyrstu farfuglinn sem kemur til Borgarfjarðar á ári hverju. Hún kemur gjarnan þriðju vikuna í febrúar og eftir því sem Austurfrétt kemst næst kom hún að þessu sinni í Hafnarhólmann þann 17. febrúar. Þar eru hennar aðalheimkynni en ritan heldur einnig til í Kiðubjörgum og í klettum við þorpið.
Ritan fer síðan aftur um mánaðarmótin október/nóvember og heldur til um 350 mílum frá Nýfundnalandi á veturna.
Ljósmyndari og áhættufréttamaður: Birkir Björnsson
