Rúta með ferðamönnum lenti aftan á snjóplóg
Björgunarsveitir eru á leiðinni í Víðidal á Fjöllum þar sem rúta með erlendum ferðamönnum ók aftan á snjómoksturstæki á þriðja tímanum í dag. Enginn mun vera alvarlega slasaður eftir slysið.Samkvæmt upplýsingum frá lögreglunin á Egilsstöðum er enginn lífshættulega slasaður en tilkynnt var um slys á einum farþega og um fimm sem meiðst hafi minniháttar. Almennt hafi allir það þokkalega.
Um borð í rútunni voru 25 ferðamenn frá Tævan. Búið er virkja almannavarnir og aðgerðastjórnir. Verið er að undirbúa fjöldahjálparstöð á Egilsstöðum og þangað er von á fólkinu í kvöld.
Björgunarsveitir af Norðausturlandi eru á leiðinni á staðinn. Nánari upplýsinga er von þegar þær verða komnar.
Aðstæður á leiðinni eru mjög erfiðar. Bæði björgunarsveitarbílar og sjúkrabíll hafa farið út af á leið á slysstað en engin frekari slys hafa orðið á fólki.
Vegagerðin er búin að loka veginum. Lögreglan beinir þeim tilmælum til ökumanna að hugsa sig tvisvar um áður en farið er af stað en færð er víða vond á Austurlandi, hált, hvasst og blint.
Mynd úr safni. Mynd: Nikulás Bragason
