Tveir smitaðir af COVID um borð í Norrænu
Í tilkynnningu frá lögreglunni á Austurlandi segir að um borð í Norrænu sem er á leið til landsins eru tveir farþegar sem greindust jákvæðir við Covid-19 í skimun í Danmörku og hafa þeir verið í einangrun um borð. Ekki leikur grunur á að aðrir farþegar hafi smitast.
Farþegarnir tveir munu fara í sýnatöku til mótefnamælingar við komuna til Seyðisfjarðar og verða áfram í einangrun a.m.k. þangað til niðurstaða mótefnamælingarinnar liggur fyrir.
Í tilkynningunni segir að Norræna kemur til Seyðisfjarðar á morgun þriðjudag 25.08. í sína fyrstu ferð á vetraráætlun þetta haustið.
Farþegar um borð á leið til Seyðisfjarðar eru 162 og munu þeir allir gangast undir sýnatöku vegna Covid-19 á Seyðisfirði.
Allir aðrir farþegar með Norrænu eiga að sæta sóttkví í 4-6 daga að lokinni sýnatöku á Seyðisfirði auk þess að fara í seinni sýnatöku eins og reglur gera ráð fyrir.
