Veðurblíðan eykur fjölda flugfarþega til Egilsstaða
Það sem af er þessum mánuði hefur orðið aukning á fjölda flugfarþega um Egilsstaðaflugvöll. Hin mikla veðurblíða undanfarna daga er að öllum líkindum ástæðan.“Við höfum orðið vör við aukið bókunarflæði á Egilsstaði síðastliðna daga og er það nokkuð víst að það sé vegna veðurblíðunnar fyrir austan þessa vikuna,” segir Ásdís Ýr Pétursdóttir upplýsingafulltrúi Icelandair í samtali við Austurfrétt.
Eins og kunnugt er af frétt hér á síðunni hefur orðið hrun á fjölda flugfarþega og sætaframboði í júlímánuði samanborið við júlí í fyrra.
Ásdís segir ennfremur að reynslan sýni að veðurspár og veðurfar hafi töluverð áhrif á bókunarflæði Air Iceland Connect á áfangastaði félagsins innanlands.
