Vegir skemmdir á tveimur stöðum eftir vatnavexti
Vegir hafa skemmst á tveimur stöðum á Austurlandi eftir miklar rigningar síðan í gærkvöldi. Vatnsyfirborð hækkaði um tvo metra í ám á suðurfjörðum.Samkvæmt tölum frá Veðurstofunni klukkan fjögur í dag var mesta rigningin í Neskaupstað, 77 mm frá miðnætti og 71,6 mm á Ljósalandi í Fáskrúðsfirði.
Í Fáskrúðsfirði rann aðeins undan leiðara við veginnvið Víkurgerði. Mestu skemmdirnar á vegum voru hins vegarið við bæinn Núp í Berufirði. Ræsi í Hringveginum þar er orðið ónýtt þannig að flæddi yfir veginn. Stærri bílum var bent á veginn yfir Öxi.
Vatnsyfirborð í Fossá í Berufirði og Geithellnaá í Álftafirði hækkaði um tvo metra frá því klukkan tvö í nótt. Rennslið í síðarnefndu ánni náði hámarki klukkan tvö í dag en hefur síðan verið í rénum.
Við Núp í dag. Fleiri myndir á Facebook-síðu Vegagerðarinnar.