Norðfjarðargöng: Vara við umferð stórra farartækja við innkeyrsluna til Eskifjarðar
Fréttir • This email address is being protected from spambots. You need JavaScript enabled to view it. • Fyrst birt 25. ágú 2014 11:21 • Uppfært 25. ágú 2014 11:23
Verktaki Norðfjarðarganga hefur nú hafið vinnu við að keyra í landfyllingar austan við Norðfjarðarveg (92) skammt sunnan sundlaugarinnar á Eskifirði, þar sem komið er inn í bæinn frá Reyðarfirði.
Rétt á meðan verið er að stækka fyllinguna verða þessir stóru bílar að bakka yfir veginn og bílstjórar og aðrir vegfarendur eru beðnir um að fara að öllu með gát.
Tafir ættu að verða litlar sem engar þegar fyllingin verður nægilega stór til að vörubílarnir geti snúið við þar, en áfram verður vitanlega brýnt að sýna aðgát.
Ljósmyndir: Ófeigur Örn Ófeigsson
