Hvernig getum við bætt menntun barnanna okkar? Illugi ræðir menntamál á opnum fundum á Austurlandi
Illugi Gunnarsson, menntamálaráðherra, býður íbúum Austurlands að hitta sig á opnum fundum og ræða hvernig hægt sé að bæta menntun barna á Íslandi á miðvikudaginn 17. september.Á fundunum mun menntamálaráðherra kynna hvítbók um menntun og hvernig við sem samfélag getum bætt meðal annars læsi og námsframvindu barna okkar. Þá mun hann einnig ræða leiðir til að efla verk- og tækninám.
Fundirnir verða haldnir á miðvikudaginn, 17. september klukkan 12 á Hótel Héraði á Egilsstöðum og klukkan 17 í Menningarmiðstöðinni á Eskifirði.
Fundirnir eru öllum opnir og eru kennarar, foreldrar og allir þeir sem hafa áhuga á menntun boðnir sérstaklega velkomnir.
