Skiptum lokið á búi Skuldaþaks
Ekkert fékkst upp í rúmlega þrjátíu milljóna króna kröfur í þrotabú Skuldaþaks ehf. sem skráð var með lögheimili á Reyðarfirði.Samkvæmt upplýsingum úr fyrirtækjaskrá var fyrirtækið stofnað árið 2009 með þann tilgang að leigja út atvinnuhúsnæði. Það var skráð til heimilis að Hafnargötu 3 á Reyðarfirði.
Ársreikningi var skilað fyrir stofnárið en engir reikningar eru skráðir síðan hjá fyrirtækjaskrá.
Skuldaþak ehf. var úrskurðað gjaldþrota með úrskurði héraðsdómi Norðurlands eystra í maí.
Skiptum á búinu lauk í síðasta mánuði og fram kemur í Lögbirtingablaðinu að ekkert hafi fengist upp í lýstar kröfur upp á 30,45 milljónir króna.
