Úrslitakeppnin í blaki: Ögurstund fyrir kvennaliðið í kvöld
Kvennalið Þróttar í blaki mætir Aftureldingu í öðrum leik liðanna í undanúrslitum Íslandsmótsins í blaki í Neskaupstað í kvöld. Karlaliðið er úr leik eftir tap fyrir Stjörnunni á föstudagskvöld.Afturelding vann fyrri leik kvennaliðanna í Mosfellsbæ á laugardag 3-0 eða í hrinum 25-11, 25-16 og 25-14. Stigahæst Þróttarstelpna var María Rún Karlsdóttir með 7 stig.
Seinni leikur liðanna verður klukkan 19:30 í Neskaupstað í kvöld. Þróttur verður að vinna leikinn til að knýja fram oddaleik en sá yrði í Mosfellsbæ á miðvikudagskvöld.
Karlaliðið er úr leik eftir að hafa tapað fyrir Stjörnunni á Norðfirði á föstudagskvöld 1-3. Stjarnan vann fyrstu tvær hrinurnar 18-25 og 22-25 en Þróttur þá þriðju 20-25. Garðabæjarliðið hafði hins vegar yfirburði í fjórðu hrinunni og vann hana 12-25.
Matthías Haraldsson og Lárus Jón Thorarensen voru stigahæstir í liði Þróttar með 13 stig hvor.