Beitir kemur til hafnar á morgun
Nýr Beitir NK siglir inn Norðfjörð klukkan 11 í fyrramálið. Með komunni verður hann að stærsta uppsjávarveiðiskipi í eigu Íslendinga.
Skipið er keypt frá Danmörku og hét áðru Gitte Henning en var smíðað í Litháen í fyrra. Það leysir af hólmi 18 árum eldra skip með sama nafni.
Í tilkynningu frá Síldarvinnslunni eru íbúar hvattir til að leggja leið sína niður á hafnarbakkann í miðbænum á morgun til að fagna skipinu.
Formleg móttökuathöfn verður sunnudaginn 27. desember klukkan 15:00 og það til sýnis almenningi til klukkan 17:00 og eru þá allir velkomnir um borð.
Skipið var afhent nýjum eigendum í Danmörku á föstudag en hefur viðkomu í Færeyjum á leið sinni til Íslands.
Beitir í Danmörku fyrir helgi. Mynd: Síldarvinnslan/Karl Jóhann Birgisson