Öllu flugi aflýst annan daginn í röð
Öllu flugi til og frá Egilsstöðum hefur verið aflýst annan daginn í röð vegna óveðurs- og ókyrrðarspár. Fjallvegir eru ófærir og skólahaldi aflýst í Brúarásskóla.Foreldrar í Brúarásskóla fengu í morgun tilkynningu um að öllu skólahaldi væri aflýst í dag.
Í Fellaskóla féll skólaakstur niður og sömuleiðis sundkennsla. Skólinn er opinn en foreldrar beðnir um að mæta aðstæður fyrir börn sín og gert viðvart um að skólahaldi kunni að verða hætt með skömmum fyrirvara rætist veðurspáin.
Vegunum yfir Fjarðarheiði, Fagradal og Möðrudalsöræfi var lokað í morgun. Ófært er yfir Oddsskarð og Vatnsskarð. Hált er á öðrum leiðum og óveður eða stórhríð.
Spáð er vestan 15-25 m/s með éljum og skafrenningi í dag. Ekki tekur að lægja fyrr en í kvöld.
