Áfram samdráttur í umferð á Austurlandi
Umferðin um hringveginn á Austurlandi dróst saman um 7,6% á fyrstu tveimur mánuðum ársins. Aðeins á Suðurlandi var samdrátturinn meiri eða 10,5%. Á landsvísu stóð umferðin í stað milli ára í þessum mánuðum. Á landsvísu í heild nam samdrátturinn 2,7%.Þetta kemur fram á vefsíðu Vegagerðarinnar. Þar segir hvað febrúar sérstaklega varðar lítur dæmið öðruvísi út. Umferðin í nýliðnum febrúar mánuði á Hringveginum dróst sama um 2,3 prósent miðað við sama mánuð fyrir ári. Þá höfðu engar samkomutakmarkanir verið settar á. Samdrátturinn er hinn sami á Austurlandi í febrúar eða 2,3%
„Þetta er ólíkt því sem gerðist í janúar í ár þegar umferðin jókst, en frá áramótum er umferðin nú sú sama og fyrstu tvo mánuðina í fyrra. Rétt er að hafa í huga að þrátt fyrir þetta er febrúar í ár sá þriðji umferðamesti frá upphafi,“ segir á vefsíðunni.
Umferðin dróst saman í þremur svæðum af fimm, eða um Suðurland (-14,2%), í og við höfuðborgarsvæðið (-2,5%) og um Austurland (-2,3%). Umferð jókst aftur á móti um Vesturland (5,6%) og Norðurland (9,8%) í febrúar.
