Ákærður fyrir að skila ekki skatti af launum starfsmanna
Framkvæmdastjóri austfirsks verktakafyrirtækis hefur verið ákærður fyrir meiriháttarbrot á skattalögum. Honum er meðal annars gefið að sök að hafa ekki staðið skil á staðgreiðslu af launum starfsmanna.
Brotin eru alls talin varða rúmum þrettán milljónum króna. Ákært er fyrir að standa ekki skil á virðisaukaskattsskýrslum árin 2013-2014 upp á níu milljónir og hins vegar á staðgreiðslu sem haldið var eftir af launum starfsmanna eða opinberum gjöldum frá apríl 2013 til júlí 2014 upp á 4,4 milljónir.
Fyrirtækið var úrskurðað gjaldþrota í september 2014.
Ákæran er gefin af embætti héraðssaksóknara en málið var þingfest nýverið í héraðsdómi Austurlands. Farið er fram á að ákærði verði dæmdur til refsingar og ákæru alls sakarkostnaðar.
