Allir þingmenn Framsóknar gefa kost á sér áfram
Allir þingmenn Framsóknarflokksins í Norðausturkjördæmi gefa kost á sér til áframhaldandi þingmennsku en þrír þeirra eiga lögheimili á Austurlandi. Þetta tilkynntu þeir á aukakjördæmis þingi í dag.
Formaðurinn Sigmundur Davíð Gunnlaugsson tilkynnti að hann sæktist eftir fyrsta sætinu. Þau Höskuldur Þórhallsson, Líneik Anna Sævarsdóttir og Þórunn Egilsdóttir tilgreindu ekki hvaða sæti þau sæktust eftir.
Valið verður á listann á tvöföldu kjördæmisþingi þann 17. September næstkomandi.
Á þinginu var felld tillaga um að flýta flokksþingi og halda það fyrir kosningarnar í október en forusta flokksins er kosin á flokksþingi. Tvö önnur kjördæmisþing framsóknarmanna samþykktu hins vegar að flýta flokksþingi.