Áminning um árvekni
Aðgerðastjórn almannavarnanefndar Austurlands hvetur stofnanir og fyrirtæki til að halda áfram árvekni og skipulagi sem komið hafi verið á til varna gegn Covid-19 veirunni. Tveggja metra reglan muni vara áfram næstu vikur.Þetta kemur fram í tilkynningu aðgerðastjórnarinnar í dag.
Þá eru samkomuhaldarar útihátíða og tónleika hvattir til að kynna sér vel reglur og leiðbeiningar sem í gildi eru, bæði hvað varðar fjölda þeirra sem mega koma saman á einum stað og tveggja metra regluna.
Síðast greindist smit á Austurlandi 9. apríl. Ekkert virkt smit er þekkt í fjórðungnum í dag. Sex eru í sóttkví, tveimur fleiri en í gær.
