Björgunarbáturinn Hafdís á Fáskrúðsfirði í útkall
Í dag fór björgunarbáturinn Hafdís í sitt þriðja útkall á tveimur vikum. Klukkan 13:15 höfðu skipverjar á Eddu SU 253 samband við björgunarsveitina Geisla en þá var báturinn vélarvana úti fyrir Nýja Boða.
Nýji Boði er úti fyrir Fáskrúðs- og Stöðvarfirði. Skipverjarnir á Eddu höfðu árangurslaust reynt að koma vél bátsins í gang. Björgunarsveitarmenn voru komnir að bátnum og búnir að koma honum í tog kl. 14:10. Heimferðin gekk vel og komu þeir með bátinn að landi kl. 17:15.
