Blak: Kvennaliðið í undanúrslit bikarkeppninnar
Kvennalið Þróttar tryggði sér sæti í úrslitakeppni bikarkeppninnar í blaki með að leggja Völsung í gærkvöldi á Húsavík. Þróttur vann einnig deildarleik liðanna um helgina.
Völsungur vann fyrstu hrinuna í gærkvöldi 25-22 en Þróttur fylgdi á eftir með þremur hrinum 14-25, 19-25 og 19-25. Dregið verður í undanúrslitum eftir viku en úrslitahátíðin sjálf verður í Laugardalshöll helgina 7. – 9. apríl.
Liðin spiluðu einnig deildarleik á sunnudag en hann vann Þróttur 2-3 eða 19-25, 26-24, 22-25, 25-18 og 5-15.
Þar með hefur liðið lokið sínum leikum í Mizuno-deildinni og ljóst að liðið verður í þriðja sæti. Mótherjarnir í undanúrslitum koma líklega úr Aftureldingu sem á þó tvo leiki eftir líkt og topplið HK.