Dæmdur fyrir að selja kannabis
Tvítugur karlmaður var nýverið dæmdur í héraðsdómi Austurlands fyrir sölu á kannabisefnum. Efni fundust í þremur húsleitum sem lögreglan á Austurlandi réðist í skömmu fyrir jól.
Við leit heima hjá manninum í sumar fundust rúm 60 grömm af marijúana og smáræði af tóbaksblönduðu kannabisefni. Að auki lagði lögreglan hald á vigt og kvörn og 69 þúsund krónur í reiðufé sem var ætlaður gróði af fíkniefnasölu.
Ákærði játaði brot sitt skýlaust þegar málið var þingfest. Hann var dæmdur í 30 daga skilorðsbundið fangelsi til tveggja ára og að greiða 93 þúsund krónur í sakarkostnað.
Þá fann lögreglan á Austurlandi fíkniefni í þremur húsleitum skömmu fyrir jól. Viku fyrir jól fannst kannabisræktun við húsleit í Neskaupstað auk efna og tækja. Karlmaður á staðnum gekkst við að eiga allt.
Viku fyrr fannst lítilræði í húsleit sem heimilismaður játaði að eiga, í hinu tilfellinu talsvert magn. Par sem leitað var að játaði við yfirheyrslu að eiga efnin.
Öll málin teljast upplýst.
