Fámennt á mótmælum Fellbæinga
Messufall varð á boðuðum mótmælum íbúa í Fellabæjar við skrifstofur sveitarfélagsins Múlaþings í gær.
Eins og Austurfrétt greindi frá í gær stóð til að mótmæla hugmyndum um að Fellabær muni á næstunni sameinast Fljótsdalshreppi.
Þegar tíðindamaður Austurfréttar átti leið framhjá skrifstofunum klukkan 14:00 var þar „ekki nokkur kjaftur“.
Virðist því sem mikil ánægja sé með hugmyndirnar meðal Fellbæinga, jafnvel gegnheill stuðningur og meira að segja þeim sem boðuðu til mótmælanna hafi snúist hugur.
Líklegra er þó að hversu vel sem fólki líkaði hugmyndin hafi það því miður gert sér grein fyrir að fréttin var aprílgabb.