Flugið raskar áætlunum forsetaframbjóðanda
Opinn fundur Guðna Th. Jóhannessonar í Egilsstaðaskóla hefst klukkan 12 í dag en ekki klukkan 11 eins og áður var auglýst.Ástæða seinkunarinnar er seinkun á flugi frá Reykjavík sem samkvæmt tilkynningu frá Flugfélagi Íslands er vegna kjarabaráttu flugumferðarstjóra.
Guðni mun síðar í dag vera einn frummælenda á Lúðvíksvöku, málþingi sem fer fram í Egilsbúð í Neskaupstað og haldið er til heiðurs ævi og ferli Lúðvíks Jósepssonar, alþingismanns og ráðherra til margra ára.
Málþingið hefst klukkan 15 en þar munu frummælendur auk Guðna verða Svavar Gestsson, Elín Steinarsdóttir, Helgi Seljan og Ellert B. Schram.
