Fyrsta síldin í nýja frystihúsinu á Eskifirði
Fyrstu síldin er á leiðí gegnum nýtt frystihús Eskju á Eskifirði. Fyrsta síldin að loknu sjómannaverkfalli barst til Austfjarða í gær.
Frystihúsið var sett í gang í morgun eftir að nýr Aðalsteinn Jónsson hafði komið með 500 tonn af fallegri síld. Reynslan af vinnslunni nú verður nýtt til að fínstilla búnaðinn í húsinu og er reiknað með að það taki tvo daga að renna farminum í gegn.
Fyrsta síldin er komin í austfirskar hafnir að loknu sjómannaverkfalli en skipin hafa verið á veiðum vestur af Reykjanesi. Á Vopnafirði lagðist Venus NS að bryggju um klukkan tíu í morgun með um 1200 tonn.
Bjarni Ólafsson kom með 700 tonn til Norðfjarðar í gær sem fóru til vinnslu í fiskiðjuverinu. Beitir og Börkur eru á veiðum.
Þá kom Hoffell til Fáskrúðsfjarðar í gærmorgun með 410 tonnum af síld til söltunar.
