Geta aftur drukkið vatn úr krana
Íbúar Djúpavogs geta á ný drukkið rennandi vatn. Starfsmönnum hreppsins
tókst í gær að gera við skemmdir sem urðu á vatnsveitunni fyrir helgi
þegar aurskriða féll á hana. Sveitarstjórinn segir skemmdirnar
umtalsverðar.
Skriðan féll á veituna í Búlandsdal aðfaranótt föstudags. Í kjölfarið var þeim tilmælum beint til íbúa á Djúpavogi að þeir syðu neysluvatn eða neyttu flöskuvatns. Starfsmenn hreppsins unnu sleitulaust að viðgerðum um helgina en drykkjarvatnið komst í gær.
Gauti Jóhannesson, sveitarstjóri Djúpavogshrepps, sagði í samtali við Agl.is í dag að skemmdirnar séu "umtalsverðar". Umfang þeirra hefur ekki verið metið nákvæmlega.
