HB Grandi fær leyfi fyrir fiskeldi í Berufirði
Fréttir • This email address is being protected from spambots. You need JavaScript enabled to view it. • Fyrst birt 20. júl 2011 12:05 • Uppfært 08. jan 2016 19:22
Umhverfisstofnun hefru gefið út starfsleyfi fyrir kvíaledisstöð HB Granda í Berufirði. Leyft er að framleiða allt að 400 tonn af laxi og 4000 tonn af þorski í sjókvíum á ári. Fyrirtækið óskaði eftir breytingum á núverandi starfsleyfi þar sem það hyggst leggja aukna áherslu á þorkseldi.
Í tilkynningu stofnunarinnar segir að ein athugasemd hafi borist þar sem Skipulagsstofnun benti á að ekki væri kveðið ítarlega á um ráðstafanir vegna fisks sem sleppur úr kvíum. Umhverfisstofnun breytti lítillega texta leyfisins með tilliti til mengunarmála.
Nýja starfsleyfið gildir til 1. júlí 2027. Með gildistöku þessa starfsleyfis fellur úr gildi fyrra starfsleyfi HB Granda frá 29. nóvember 2007, upphaflega gefið út til handa Salar Islandica.
