Jón Björn Hákonarson lætur af störfum sem bæjarstjóri Fjarðabyggðar
Í tilkynningu á heimasíðu Fjarðabyggðar segir að Jón Björn Hákonarson muni láta af störfum sem bæjarstjóri Fjarðabyggðar eftir að hafa gegnt starfinu í rúm 2 ár. Jón er einnig oddviti Framsóknarflokksins í Fjarðabyggð en flokkurinn myndar meirihluta í bæjarstjórn ásamt Fjarðalistanum.
Í tilkynningunni segir að Jón Björn Hákonarson hafi óskað eftir því á fundi bæjarráðs í morgun að láta af störfum sem bæjarstjóri Fjarðabyggðar. Í framhaldi af starfslokum hans sem bæjarstjóri mun hann óska eftir leyfi frá störfum frá bæjarstjórn Fjarðabyggðar út árið 2023. Bæjarráð varð að þeirri ósk og munu starfslok hans verða í mars.
Í tilkynningunni segir jafnframt að vinna sé þegar hafinn að ráðningu nýs bæjarstjóra.
