Karlakórinn Drífandi flaug með Iron Maiden þotunni
Fréttir • This email address is being protected from spambots. You need JavaScript enabled to view it. • Fyrst birt 02. ágú 2011 12:21 • Uppfært 08. jan 2016 19:22
Tónlistarbransinn tekur á sig ýmsar myndir. Á fimmtudag lágu leiðir
karlakórs og þungarokks saman þegar karlakórinn Drífandi af
Fljótsdalshéraði flaug til Kanada í flugvél merktri bresku rokksveitinni
Iron Maiden.
Flugið var á vegum Iceland Express en flogið var beint frá Egilsstöðum til Winnipeg í Kanada með millilendingu í Keflavík. Þar var tekið eldsneyti en flugbrautin á Egilsstöðum mun vera of stutt til að vélin hefði getað farið þaðan fullhlaðin.
Meðlimir úr karlakórnum voru samt ekki einir um að fylla í vélina því margir Austfirðingar nýttu tækifærið til að heimsækja Íslendingaslóðir í Vesturheimi.
Þotan er frá Astreaus flugfélaginu sem flýgur fyrir Express. Þar starfar flugstjórinn Bruce Dickinson, sem jafnframt er söngvari Iron Maiden sem hefur verið á tónleikaferð um heiminn í ár. Bruce mun þó ekki hafa verið flugstjóri á fimmtudaginn þar sem Járnfrúin tryllti lýðinn á tónleikum í Manchester í Englandi það kvöld.
Meðlimir úr karlakórnum voru samt ekki einir um að fylla í vélina því margir Austfirðingar nýttu tækifærið til að heimsækja Íslendingaslóðir í Vesturheimi.
Þotan er frá Astreaus flugfélaginu sem flýgur fyrir Express. Þar starfar flugstjórinn Bruce Dickinson, sem jafnframt er söngvari Iron Maiden sem hefur verið á tónleikaferð um heiminn í ár. Bruce mun þó ekki hafa verið flugstjóri á fimmtudaginn þar sem Járnfrúin tryllti lýðinn á tónleikum í Manchester í Englandi það kvöld.
