Kjarasamningar við ALCOA samþykktir
Fréttir • This email address is being protected from spambots. You need JavaScript enabled to view it. • Fyrst birt 25. jún 2011 18:47 • Uppfært 08. jan 2016 19:22
Félagar í AFLi Starfsgreinafélagi hafa samþykkt nýjan kjarasamning við Alcoa til þriggja ára. Í samningnum er meðal annars kveðið á um stofnum Stóriðjuskóla Fjarðaáls sem taka á til starfa á næsta ári.
Atkvæðagreiðslu um samninginn lauk í vikunni. Rúm 83% samþykktu samninginn en tæp 17% sögðu nei. Tæp 75% þeirra sem voru á kjörskrá greiddu atkvæði.
Samningarnir byggja á sömu launabreytingum og nýlega voru gerðir milli aðila vinnumarkaðarins en í þeim eru ákveðnar nýjungar og breytingar.
Þeirra á meðal er stofnun Stóriðjuskóla Fjarðaáls sem hefst í haust með grunnnámi og síðan framhaldsnámi frá og með næsta ári. Í launatöflu í samningunum er tekið tillit til starfsaldurs og hæfni starfsfólks svo dæmi séu nefnd.
