Leit hætt í dag vegna veðurs
Leit að skipverja, sem talinn er hafa fallið útbyrðis af fiskiskipi sem kom inn til Vopnafjarðar á mánudagsmorgun, hefur verið hætt í dag. Veður hefur versnað seinni partinn á Vopnafirði.Samkvæmt tilkynningu lögreglu er þar kominn talsverður sjógangur vegna vinds.
Fimm leitarhópar hafa leitað í dag, bæði á sjó og landi. Gengnar hafa verið fjörur frá Tangasporði að Sandvík auk þess sem leitað hefur verið í sandfjörum í Sandvík.
Leit morgundagsins verður skipulögð í fyrramálið.
