Makrílvertíðin hafin á Vopnafirði
Víkingur AK kom með fyrsta makrílfarminn til Vopnafjarðar í hádeginu á laugardag. Vinnslustjóri segir vertíðina fara ágætlega af stað.
Venus kom síðan í kjölfarið og samanlagt hafa skipin landað rúmum 1000 tonnum.
Magnús Þór Róbertsson vinnslustjóri HG Granda á Vopnafirði, segir vertíðina fara ágætlega af stað. Búið sé að manna vinnsluna á Vopnafirði.
Fiskurinn sé þokkalegur, í honum sé svolítið áta en miðað við árstíma sé makríllinn svipaður og undanfarin ár.
