Maríu Ásmundsdóttur Shanko boðið starf skólastjóra á Borgarfirði
Þrír umsækendur voru um starf skólastjóra í samreknum grunn- og leikskóla Borgarfjarðar eystra, var María Ásmundsdóttir Shanko metin þeirra hæfust og hefur henni verið boðið starfið.Starf skólastjóra var auglýst í vor og var upphaflegur umsóknarfrestur til 10. maí, hann var tví framlengdur, síðast til 4. júlí.
Umsækjendur um starfið voru þrír, þær Kristín Amalía Atladóttir, Drífa Lind Harðardóttir og María Ásmundsdóttir Shanko.
Hreppsnefnd Borgarfjarðarhrepps kom saman á aukafundi þann 7. júlí til ákvörðunar um ráðningu. María var metin hæfust umsækjenda útfrá starfsreynslu og hefur því verið boðið starfið.
