Þrjátíu fíkniefnamál en engin slagsmál á Eistnaflugi
Tæplega þrjátíu fíkniefnamál komu upp í tengslum við þungarokkshátíðina Eistnaflug sem haldin var í Neskaupstað um helgina. Engar kærur vegna ofbeldisbrota hafa enn borist.
Í skýrslu lögreglunnar á Eskifirði segir að þeir fíkniefnaskammtar sem gerðir voru uppteknir hafi verið litlir neysluskammtar. Einn var tekinn við ræktun kannabisefna. Hann var með fjórar plötur sem voru vel á veg komnar.
Eskfirðingar nutu aðstoðar frá ríkislögreglustjóra við fíkniefnaeftirlit á hátíðinni. Sextán voru stöðvaðir og kærðir fyrir of hraðan akstur. Þrír eru grunaðir um að hafa ekið undir áhrifum fíkniefna.
Bifreið var stolið af Héraðsverki í Neskaupstað og henni ekið út af í Hólmahálsinum aðfaranótt laugardags. Litlu munaði að bifreiðin hefði farið fyrir björg en ökumaðurinn stakk af frá vettvangi. Málið telst nú upplýst.
Engar kærur vegna ofbeldisbrota bárust lögreglunni í tengslum við hátíðina.
