Skoða málssókn vegna Borgunar
Forsvarsmenn Sparisjóðs Austurlands íhuga að fylgja fordæmi Landsbankans málssókn á hendur stjórnendum kortafyrirtækisins vegna skorts á upplýsingum þegar sjóðurinn seldi bréf sín í Borgun árið 2014.
„Við höfum verið að fylgjast með og skoðum það sem Landsbankinn hefur nú ákveðið,“ segir Vilhjálmur G. Pálsson, sparisjóðsstjóri í svari við fyrirspurn Austurfréttar.
Bankaráð Landsbankans tilkynnti á föstudag að það hefði ákveðið að höfða mál fyrir dómstólum vegna sölu á eignarhlut bankans í Borgun árið 2014. Bankaráðið telur bankann hafa farið á mis við fjármuni í viðskiptunum þar sem bankanum voru ekki veittar nauðsynlegar upplýsingar.
Sparisjóðurinn seldi einnig bréf til félags í eigu stjórnenda Borgunar. Sjóðurinn átti 0,32% af heildarhlutafé Borgunar og seldi bréfin á genginu 15,56 fyrir 22,2 milljónir króna sem skilaði um 15 milljóna söluhagnaði. Virði hlutarins kann hins vegar að hafa verið meira.