Stjórn SUS þakkar íbúum Fjarðabyggðar fyrir móttökurnar
Stjórn Sambands ungra Sjálfstæðismanna (SUS) þakkar íbúum í Fjarðabyggð fyrir góðar móttökur á þingi sambandsins á Eskifirði fyrir mánuði. Stjórnin fordæmir hins vegar hegðun hluta þinggesta.Þetta kemur fram í ályktun sem stjórnin samþykkti á síðasta fundi sínum. Eftir þingið var gagnrýnd umgengni þinggesta bæði á Eskifirði en þó einkum á Norðfirði.
Í ályktun stjórnarinnar eru heimamönnum sendar þakkir fyrir „glæsilegar móttökur.“ Þá áréttar stjórnin að dagskrá þingsins hafi farið fram að öllu leyti á Eskifirði „án vandkvæða.“
Hins vegar hafi „lítill hluti þinggesta“ haft aðsetur í Neskaupstað og „mætti mætti til þingsins á kjördegi til þess að greiða atkvæði.
SUS fordæmir umgengni og hegðun þeirra fulltrúa sem fjallað hefur verið um í fjölmiðlum síðustu daga. Stjórn SUS mun beita sér fyrir því að háttsemi af þessu tagi endurtaki sig aldrei aftur, enda er hún ekki til fyrirmyndar.“
