„Stúdentsprófið er bara eins og grunnskólapróf í dag“
„Stundum höfum við fengið til okkar gamla nemendur, sem selja mun betur en ókunnugir,“ segir Árni Ólason, skólameistari Menntaskólans á Egilsstöðum, en Háskóladagurinn verður með opna kynningu í á morgun, miðvikudaginn 15. mars milli klukkan 11:00 og 13:00.
Fulltrúar frá öllum háskólum landsins kynna námsframboð sitt, sem telur yfir 500 námsleiðir. Námsráðgjafar verða á staðnum.
„Það er mjög gott að nemendur og aðrir á landsbyggðinni fái þessa kynningum líkt og samnemendur þeirra á höfuðborgarsvæðinu – það er allt annað að fá tækifæri til þess að spyrja spurninga en að lesa um námsleiðir á netinu,“ segir Árni.
Árni nefur verið unnið í Menntaskólanum í 25 ár og segir að það sé engin spurning að nemendur séu betur áttaðir nú á því hvað þeir vilji gera að loknu stúdentsprófi.
„Það er ekki spurning. Það er afar lítið um að þessir nemendur fari úr á vinnumarkaðinn eftir stúdentspróf, nema þá í stuttan tíma – en stúdentsprófið er bara eins og grunnskólapróf í dag og því mikilvægt að þeir átti sig á því hvað standi til boða. Bæði held ég að grunnskólarnir séu orðir betri í dag og upplýsingabyltingin hefur haft það í för með sér að þau vita miklu meira, við finnum það á öllum sviðum og það þarf allt annað vinnulag en áður.“
Dagurinn er öllum opinn, ekki aðeins menntaskólanemendum. Ef þig langar í háskólanám, þá er þetta einstakt tækifæri til þess að kynna þér málin frekar. Hér er heimasíða Háskóladagsins.