Átak gegn kattaplágu á Fljótsdalshéraði
Til stendur að ráðast í átak gegn óskráðum köttum í sveitarfélaginu Fljótsdalshéraði. Íbúar kvarta undan kattaplágu.
Í síðustu viku afhenti Þórhallur Þorsteinsson bæjaryfirvöldum undirskriftalista með 26 nöfnum þar sem þess var krafist að gripið yrði til aðgerða gegn „kattaplágu“ sem herji á íbúa.
Skipulags- og mannvirkjanefnd sveitarfélagsins samþykkti í kjölfarið að hefja undirbúning aðgerða til að fækka óskráðum köttum. Stefnt er að því að átakið hefjist fyrsta vetrar dag. Einnig á að herða á skráningu hunda.
