Tap af rekstri Djúpavogshrepps
Átta milljóna halli var á afkomu Djúpavogshrepps á síðasta ári. Rekstrarniðurstaða A-hluta var neikvæð um tæpar 28 milljónir.
Þetta kemur fram í ársreikningi sveitarfélagsins fyrir síðastliðið ár. Rekstrartekjur A og B hluta námu 546,7 milljónum en rekstrargjöldin rúmum 535 milljónum. Það eru hins vegar 19,5 milljónir í fjármagnsliði sem mynda tapið.
Halli er á A-hluta um tæpar 28 milljónir. Miklu munar um launahækkanir sem eru 40 milljónir á milli áranna 2014 og 2015.
Fræðslumál eru stærsti liðurinn en útgjöld til þeirra nema 213 milljónum króna og hækka um 60 milljónir milli ára.
Í fjarhagsáætlun var gert ráð fyrir 12 milljóna tapi á A hluta en 12 milljóna króna heildarhagnaði.